Η μητρική γλώσσα των προγόνων μας από το Aράμ Βaρτάν

αβλαεύω = κυνηγώ , αρπάζω

τουρκική λέξη anlamak =  κυνηγώ 

φρ.Ποίος γιοσμάς, ατζάπ' σα εβλάψεν τη κουτζής εμούν την κάρδαν κ' εχάσεν τ΄ αχούλ΄ν ατ΄ς κ' άλλο πάς' κ'ίνεται;

Η μητρική γλώσσα των προγόνων μας από την περιοχή της Αργυρούπολης πρωτεύουσα της επαρχίας Χαλδίας του Νομού Τραπεζούντας

πελά, η = σκοτούρα, πρόβλημα

τουρκική λέξη bela =   σκοτούρα, πρόβλημα

φρ. Άμον τ' ενοίγαν τη στράτας τη Γερμανίας, τη Σουηδίας, άναυα τα τέρτα και την αροθυμίαν εσκάλωσαν για τοι γεροντάδες και τα παλάδας με τη παιδίων ατούν τα παιδία.

Η μητρική γλώσσα των προγόνων μας από το Aράμ Βaρτάν

απογιαβανούμαι = τρώω άπαχα φαγητά Ι αδυνατίζω
τουρκική λέξη  yanan = άγευστός, άνοστος

φρ.Απέσ΄΄ς σην Σαρακοστήν, η πιπή μ' η Άνναν παστάν απογιαβανούται,να φυσλας ατλεν ρούζ' , αμά οπίσ' 'κι στέκ ας σα νεστείας...

Η μητρική γλώσσα των προγόνων μας από το Karacoban koy

αζούχ',το = τρόφιμα για ταξίδι , για δρόμο

τουρκική λέξη azik =τρόφιμα για ταξίδι , για δρόμο

φρ.Μεσανυχτεί εσέγκεν τ' αζούχ''ς σην τορπάν ατ' κι εξέβεν ΄ς σην στράταν κι άχαρος η μάνα εσύρ'νεν απ' οπίσ΄' ατ' το νερόν με το τάσ'...

φρ.Μ' ανασπάλλετεν τ' αζούχ' ν εσούν, ούσνα κλώσουστουν ά λιγούστον ας σην πείναν , ΄ς σο γιαζίν΄κ' ευρήκετεν φαϊν.

Η μητρική γλώσσα των προγόνων μας από το Karacoban koy

γαράρ', το= ικανοποίηση, ωφέλεια
τουρκική λέξη garamet = οφειλή

φρ.Τα γαραμάτα, έλεεν η μάνα μ', και τη τράπεζας τα δουλείας έφα(γ) αν τη κόσμονος τα υίας..

Η μητρική γλώσσα των προγόνων μας από το Karacoban koy

ακασία, η  = ακακία

τουρκική λέξη akasya=ακακία

φρ.Νέπε , έμορφον παχύνσαρλην εποίναν τα δύο ακατσίας απέσ' ΄ς σην αυλην,ψωμίν εψαλάφ΄νανε ' σε ερρούξες ατά κά.

Η μητρική γλώσσα των προγόνων μας από το Aράμ Βaρτάν

αραπά  η = άμαξα , κάρο που το έσερναν συνήθως βόδια
τουρκική λέξη araba = αυτοκίνητο, αμάξι

φρ.Ο άχαρον ο Μήτρον εγόσεψεν τ' οβούδα'ς σην αραπάν και δύ'ώρας αναμέν' τη Σοφίκαν ν' έρται εγβαίν' απάν, κ' είνε, ταλτάλα, ους να σκών' τ' έναν το ποδάρ' τ' άλλο σκυλάζ'.

Η μητρική γλώσσα των προγόνων μας από το Karacoban koy

γοκτούχ', το = μασχάλη

τουρκική λέξη koltuk=  μασχάλη I αγκαλιά, προστασία Ι πολυθρόνα

φρ.Η αφωρισμέντζα η Τογκάβα εσέγκεν αφκά 'ς σο γολτούχ'ν ατ'ς το σεφίλκοβν τ' αντρούδ' ν ατ'ς οπουκές' θέ΄' κλώθ'ατόν!

φρ.Έρθαν πουλί μ' να παίρνε με κρύψον με 'ς σα γολτούχα σ' ..

Η μητρική γλώσσα των προγόνων μας από το Aράμ Βaρτάν

ασλάεμαν, το = μπόλιασμα, πιάσιμο θηλιών
τουρκική λέξη asilama = μπόλιασμα

φρ.Έπαρ',νέκουτση ,τ' ορταβέλονον και ποίσον τ' ασλάεμαν τη σίνας ντ' έφυέν ας σ' ορτάρ' τη κυρού σ' , τ' εμά τα χέρα εκουράγαν ας σο πλύσιμον τη λωματίων

Η μητρική γλώσσα των προγόνων μας από το Karacoban koy

αμπούρ - τζουμπούρ = γρήγορο φαγητό

τουρκική λέξη abur-cubur = πρόχειρό φαγητό

φρ.Τσί εκυνήγανες σε, ατζάπ'σα, και χαρπία εσέβες 'ς σ' οσπίτ', έφαες αμπούρ- τζουμπούρ κ' ένουσ'νε γαϊπ', τ' έναν τ' ομμάτ'-ι-μ- ουσνά έλεπες σε τ' άλλο εχάσε σε!

Η μητρική γλώσσα των προγόνων μας από το Karacoban koy

αναφαά, η = τα είδη διατροφής μιας οικογένειας

τουρκική λέξη nafaka=γιατροφή (διαζυγίου)

φρ.'Σ σ' εμπριζ' νά τα χρόνα με τ' αραπάδας επαίναμε 'ς σο παζάρ' τη Τσουμαγιάς κ' εγόραζαμεν για τον χειμωγκόν όλεν την αναάν τη ταϊφας εμούν κ' ό,τι άλλον εχρεασουμ'νες.
 

Η μητρική γλώσσα των προγόνων μας από το Karacoban koy

αραλούγ' ,το = το χρονικό διάστημα που δε γίνονταν γεωργικές εργασίες(χειμερινοί μήνες)

τουρκική λέξη aralik=διάστημα, Δεκέμβρης

φρ.'Σ σ' αραλούγ' απάν ' ας ίνταν τα σουμάδα και σ' άλλ' τον χρόνον, αΪκον καιρόν, ας 'ίνεται κ' η χαρά , πριν τη χωραφίων τα δουλείας.

φρ.Όντες είχαμεν αραλούγ' , μικροί-τρανοί ετοπλαεύκουμ'νες'ς σα παρακάδα κ' οι μειζετέρ' έλεγαν τσεσίτα- τσεσίτα- ιστορίας και μασάλα κ ' εμε'ις τα χ'αταλα εφουκρούμ'νες.

Η μητρική γλώσσα των προγόνων μας από το Aράμ Βaρτάν

αμέκ'* το= κόπος, μόχθος

τουρκική λέξη emek = κόπος, μόχθος

φρ.Τ' αμέκια ντ' ευτάνε, ρίζα μ', οι γονέοι για τα χάταλα τουν, 'ς σο ζυαστέρ' 'κι θήκ'ν ατά!

Η μητρική γλώσσα των προγόνων μας από το Karacoban koy

γάρτ', το= σκληρό (κρεατικά και κυρίως για λαχανικά)
τουρκική λέξη kart = γερασμένος, ξεραμένος 

φρ.Όντες σερεύκουνταν γάρτα τα ζαρζαβάτα γολάγια ' κι μαειρεύκουνταν, ζατίμ, το καλλίον έν, ξάει'ς σην τέντζαρην να μη εμπάίνε , ας σύρ' κυνταν 'ς σα γορούνα...

Η μητρική γλώσσα των προγόνων μας από το Karacoban koy

ναζλάνεμαν,  = καμώματα, τσαλίμια

τουρκική λέξη nazlanma= καμώματα, τσαλίμια

φρ.Νέτζή, πάντα , ατό το ναζλάνεμαν  μ' ευτάς, εμέν' να γαντουρεύ'ς 'κ' επορείς, απάν ' αφκά να κρούς τον κώλο σ', αβούτο τ' οσπιτόπον έν' τη Άννας, ζατίμ εσύ επήρες τη γιάγιας -ι-σ', τ' Σάρας!

Η μητρική γλώσσα των προγόνων μας από το Aράμ Βaρτάν

αρκατάσ  ο = αδελφικός φίλος, σύντροφος
τουρκική λέξη arkadas =  φίλος, σύντροφος

φρ.Αρκατάσ', όσον - πόσον καιρόν 'α ωράζετεν την ξενιτείαν, φογούμαι ουσνά κλώσκουστουν τ' ημ' σόν το συενολόι'κι θα έν' ζωντανόν!

Η μητρική γλώσσα των προγόνων μας από το Aράμ Βaρτάν

αχλαεύω* = αναστενάζω
τουρκική λέξη ahlamak = αναστενάζω

φρ.Ας οψέ εμπρκαικά τζάνου μ', αχλαεύ΄ς και με το παραμικρόν φουτζανίεις, χός τα παπόρα σ' 'κ' επάτεψαν , αμά έν' κ' εσεβντανεύτες, σ' κού ας πάμε ΄ς σο ψαλάφεμαν τη κουτζής...

Η μητρική γλώσσα των προγόνων μας από το Aράμ Βaρτάν

ασάευτος* = αυτός που δεν υπολογίζει , δεν εκτιμά, δε σέβεται
τουρκική λέξη saymak = είδηση υπολογίζω , λαμβάνω υπόψη

φρ.Τη μειζερερίων τ' ωτία και τ' ομμάτα έκ'σαν κ' είδαν πολλά, στόχεψαν και νούντζον ντο λέγ΄νε σε, ασάευτος μ' είσαι , κερδαιμένος ΄α εβγαίν'τς ας σα δασκείας ατούν.

Η μητρική γλώσσα των προγόνων μας από το Aράμ Βaρτάν

βούρτ- ζούρτ  = συχνά, πυκνά
τουρκική λέξη virt-zirt = συχνά, πυκνά

φρ.Γιάβρ'-ι-μ','κ' ενεγκάστες,βούρτ- ζούρτ  πας κ' έρθεσαι,έγρασες τα παπύτζα σ', ιστέ κάθ'κα 'ς ωβά σ'ςσο καντίν απάν' 'α έρται η χαρά σ'!

Η μητρική γλώσσα των προγόνων μας από το Aράμ Βaρτάν

γαβούν'  το = πεπόνι
τουρκική λέξη kavuh = πεπόνι

φρ. Το γαβούν' ντ' εδέκε μας, οσήμερον , ο πασά μ' ο Χάμπον ας σο πογαβούρεμαν , ποστάν τ Τόγκα ατ' , ξάι τάτ' ΄κ' είχεν, τ' οψεζ'νόν έγκε μας, άμον μέλ'έτον.

Η μητρική γλώσσα των προγόνων μας από το Karacoban koy

γαπάεμα(ν)* ,το= καπάκωμα, σκέπασμα

τουρκική λέξη karama=καπάκωμα, σκέπασμα

φρ.Χαμέυνον τ' άψινον ας σιγοβράζ' το φαϊν και μ' ανασπάλ'τς τη τέντζερης το γαπάεμαν.

Η μητρική γλώσσα των προγόνων μας από το Χαραμί Βαρτάν

σεπκέ, η  = ψιλόβροχό
τουρκική λέξη sepker  = χιονόνερο

φρ. Τα χέρα μ' εκουράγαν οψέ ας σα δουλείας τ' κ' οσήμερον εντώκεν η σεπκέ κ' επεβρώτσεν (= λέρωσε) τα τζάμα ντ' επαρλάεψα.

Η μητρική γλώσσα των προγόνων μας από το Aράμ Βaρτάν

τάρ, = στενό
τουρκική λέξη dar  =  στενός, στενόχωτος
φρ.Ενάξα τάρ' φαίνεται το φισταν' ντο φορείς, γιάμ, εσέγκες καν' νάν τραμ' κρέας απάν' -ι-σ';

Η μητρική γλώσσα των προγόνων μας από το Karacoban koy

περτέ η = κουρτίνα

τουρκική λέξη perte = κουρτίνα I αλαία

φρ.Νέτζή, σύρον 'ς σο γιάν' την περτέν να εμπαίν' απέσ' ς σ' οσπίτ' , αβούτα τα ημέρας , παστάν , ενεσπαλλε μας!

Η μητρική γλώσσα των προγόνων μας από το Aράμ Βaρτάν

ταλταλούν το = απάνεμο
τουρκική λέξη duldali  = απάνεμο
φρ.Το καλοκαίρ' όντες ενάξα εφύσανεν , γ γίαγια μ' η Μαρίκα εράευεν έναν ταλταλούν τόπον 'ς ψσην αυλήν, να θήκ' το μιντέρ' ν ατ'ς κάθεται, να μη κρού' ατέν η αγέρα.

Η μητρική γλώσσα των προγόνων μας από το Χαραμί Βαρτάν

ρεχίν, το= ενέχυρο

τουρκική λέξη rehin = ενέχυρο, εγγύηση

φρ. Εσέγκεν, ο άχαρον , τ' οσπίτόπον ν ατ' ρεχίν κ' ατώρα τα χρέητα έρθαν κ' εφούρκ' σαν ατόν και νουνίζ' κ' απονουνίζ' ντο θα ίνεται το χάλ' ν ατ' . πως θα γουρταρεύ' τ' οσπίτ' ν ατ'!

Η μητρική γλώσσα των προγόνων μας από το Aράμ Βaρτάν

τεμιζλαεύω* = καθαρίζω 
τουρκική λέξη temizleme  = καθαρισμός
φρ.Το ματρίν και τ' αμπάρ' τ' οσπιτί ' μουν, πάντα η γίαγια μ' ετεμιζλάευεν ατά, 'ς σην κα'ναν 'κ' εκιουβανεύκουντον ατό την δουλείαν..

Η μητρική γλώσσα των προγόνων μας από το Aράμ Βaρτάν

τεϊ (και τεά, τεάμ, τεϊμ) = τάχα δήθεν
τουρκική λέξη deyi - diye  = λέγοντας, με τον ισχυρισμό, τάχα
φρ.Ο Xρήστον έρθεν 'ς σην γαργού σ , αμά εσύ εποίκες τεϊ πως ' κ' είδες ατόν κ' έκλωσες αλλού κέσ' το κατζί σ',γιάμ ' ακόμαν κρατείς ατόν χολήν ; 

Η μητρική γλώσσα των προγόνων μας από το Aράμ Βaρτάν

τζάρτεμαν*, το  = ξάφνιασμα

τουρκική λέξη cartadak  = ξαφνικά

φρ.Αϊκον τζάρτεμαν με το γαμψίν εποίνεν ο πασά μ' ο Χρήστον τ' οβούδα , όντες εγόσευεν ατά'ς σην αραπάν μ ους το χωράφ, τ' άχαρα , 'ς σην ηήν 'κ' επάτ'ναν, έσ' κωναν ποδάρ' και πότε έφταναμε 'κ' επαίρναμε χαπάρ'!

Η μητρική γλώσσα των προγόνων μας από το Χαραμί Βαρτάν

πιλίτσ' ,το  = μικρό κοτόπουλο

τουρκική λέξη pilic = μικρό κοτόπουλο
φρ.Τα πιλίτσα, ντ' έσπαξα οψέ, ορθόν κρέας απάν' ατούν ' κ' είχαν, αμά το πιλάβ', ντ' εποίκα με το ζωμίν ατούν, πολλά τατλούν έντον.

Η μητρική γλώσσα των προγόνων μας από το Χαραμί Βαρτάν

πεσή * η  = ξύλινη κατασκευή, ειδικά διαμορφωμένη, όπου ζει και εκτρέφεται το γουρούνι

τουρκική λέξη desi = σίτιση, νομή τουρκική λέξη desici  = εκτροφέας
φρ.Την πεσήν τη γουρουνί, σαπαπί τη μυρωδίας, εγούρευαν ατό, πάντα, μακρά ας σ' οσπίτ'.

Η μητρική γλώσσα των προγόνων μας από το Χαραμί Βαρτάν

περισάντζ ,περισάν ο  = ταλαιπωρημένος

τουρκική λέξη perisan = εξαθλιωμένος, ράκος
φρ.Με την ψήν 'ς σο στόμαν και περισάν ευρέθαμε 'ς σα στράτας και τα  καμονάντας εμούν έκραν και τελεμονήν 'κ' είχαν!

Η μητρική γλώσσα των προγόνων μας από το Χαραμί Βαρτάν

πέλμά η = διαχωριστικό δύο δωματίων
τουρκική λέξη bolme = διαίρεση , χώρισμά

φρ. Όντες επλέθυνεν η ταϊφά, μ' έναν πέλμάν εχώρτσαμε την σάλαν κ' εποίκαμε δύο καμαρόπα, έπεϊχρόνα, ζατίμ με την γιάγια μ' εκοικούμ'νε κιφάλ '-ποδάρα

Η μητρική γλώσσα των προγόνων μας από το Karacoban koy

ακλανεύκουμαι = ασχολούμαι με κάτι να περάσει ευχάριστα η ώρα 

τουρκική λέξη eglenmek=διασκεδάζω

φρ.'Σ σα παρακάδα, ο ταή μ' ο Τάσον αμίλετος εκάθπυντον 'ς σ' έναν κιοσάν κ' ακλανεύκουντον μ' έναν αλατζάν 'ς σα χέρα τ' κ' εχαβασλάευες να ελέπ'ς τα τσαλουμόπα τη παιξίας ατ'.

Η μητρική γλώσσα των προγόνων μας από το Χαραμί Βαρτάν

πεσκίρ' ,το  = πετσέτα

τουρκική λέξη peskir  = πετσέτα
φρ.Nέπε Χρήστο,στάεις και πας, 'κ' ελέπ'ς το πεσκίρ' ντο κρεμάεται οπίσ' 'ς σην πόρταν να σπογγίεις τα χέρα σ', μη θέλ'τς, πάντα να υλάζω απ' οπίσ'-ι-σ'!

Η μητρική γλώσσα των προγόνων μας από το Karacoban koy

κιάρ' ,το  = κέδρος, όφελος

τουρκική λέξη kar =  κέδρος, όφελος

φρ.Ας ατό τ' ολισφερίσ', νέπε ντ' εποίκες ποίον έτον τ' εσόν το κιάρ; γιαμ' δύο τάλαρα επούλτσες ατά πέντε φράγκα και ξάν' εσέβες απέσ' με τα τσαρούχα.

Η μητρική γλώσσα των προγόνων μας από το Aράμ Βaρτάν

αzούχ' το  = τρόφιμα για ταξίδι, για δρόμο

τουρικί λέξη azik τρόφιμα για ταξίδι, για δρόμο

φρ.Μεσανυχτί σέγεν τ' αζούχ' 'ς σην τορπάν ατ' κι εξέβεν 'ς σην στράταν κι η άχαρος η μάνα εσύρ΄νεν απ' οπίσ' ατ'  το νερόν με το τάσ'...

Η μητρική γλώσσα των προγόνων μας από το Χαραμί Βαρτάν

γαμίς* το= καλάμι, νεροκάλαμο
τουρκική λέξη kamis = καλάμι, νεροκάλαμο

φρ.Τ' άκρας τη καναλίων εμούν γομάτα γαμίδα έταν κ' έκοφταμε κ' εποίναμε τσαγκάλα 'ς σα παχτζάδας.

Η μητρική γλώσσα των προγόνων μας από το Aράμ Βaρτάν

αναχάπαρα  = ξαφνικά, απρόοπτα, απροειδοποίητα

τουρκική λέξη haber = είδηση

φρ.Σίτα εσύριζεν κ ' επαίνεν 'ς σην στράταν ο Τόγκας εμούν, αναχάπαρα ετεκερλεύτεν κι ερρούξεν 'ς σ'  έναν τσοχούρ' κ' αιμακύλττσεν το ποδάρ'ν ατ' κι ατώρα ετύλτσεν ατό με τσαπούτα κι φουφούτζόν...

Η μητρική γλώσσα των προγόνων μας από το Χαραμί Βαρτάν

πισλούγ* το  = βρωμιά
τουρκική λέξη pislik =  βρωμιά

φρ.Αϊκον πισλούγ' εσάρεψεν ούλα τ' εκέσ', εχπαράγα όντες εσβέβα απέσ', ετσούπωσα το μυτί μ'  κ' αμάν εξέβα ....τη σκύλ' η θεγατέρα, ενούντσα, μόνον τον κώλον ατ'ς εξέρ΄ν' ιλαεύ...

Η μητρική γλώσσα των προγόνων μας από το Χαραμί Βαρτάν

περτάχ,' το  = ουσία γυαλίσματος

τουρκική λέξη pεrtan  = λείανση, εξομάλυνση
φρ.Νέπε , αβούτο τ' έξ' την πόρταν , πέρασον ατό έναν περτάχ', ας ορθούνται ενάξα, σάνκι ν' εθώρτσεν

Η μητρική γλώσσα των προγόνων μας από το Χαραμί Βαρτάν

πoρέκ* το (και περέκ)  = πίτα με φύλλα
τουρκική λέξη borek = πίτα μπουρέκι

φρ.Απάν ' 'ς σα Ημέρας τη Χριστού έξαφταμε τα φουρνία κ' εγόμωναμ' ατά περέκα και τσορέκια και για ταταϊφαδας εμούν και τοι μωμογέρ'τς,πη θα ελάσκουντον τ' οσπίτα την παραμονήν τη νεοχρονίας.

Η μητρική γλώσσα των προγόνων μας από το Χαραμί Βαρτάν

πουϊκ(χ)', το  = μουστάκι

τουρκική λέξη biyik = μουστάκι
φρ.Όντες εσυχαρίασαν τον Χρήστόν, εποίνεν τ' αγούρ' , το πουϊχ και τ' ωτία τ' πα εγέλασαν.

Η μητρική γλώσσα των προγόνων μας από το Χαραμί Βαρτάν

ρεϊχαν,* το  = βασιλικό, φυτό που μοσχομυρίζει

τουρκική λέξη reyhah  = βασιλικός
φρ.Εσκουντούλτσεν, νύφε,είπε με, το φαϊν ας σο ρεϊχαν ντ' εσέγκες κι ας σα παραρικά, αμά ενάξα σ' άναλον απάν' έν' , ζατ'ιμ', αϊκα έν', πάντα, έναν κουσούρ'  'α ευρήκ' η τατ' σούζαινα η πεθερά μ'.

Η μητρική γλώσσα των προγόνων μας από το Χαραμί Βαρτάν

γιαπίν, το = κτίριο μισοτελειωμένο
τουρκική λέξη yapi = κτίριο μισοτελειωμένο , υπό κατασκευή κτίσμα , οικοδομή

φρ.Τα πρώτα τα γιαπία ντ' έχτισαμε αδακέσ' σο Τσιτσιλήν με καρπίτσα και τσαμούρ' επόκαμ'ατά, τ' οσπίτα, τ' αχυρώνας, τα μαντρία, ούλα τα χτισώνας.

Η μητρική γλώσσα των προγόνων μας από το Karacoban koy

πεκιά,η = ξύλινο κρεβάτι

τουρκική λέξη peyke= ντιβάνι

φρ.Οσήμερον , λέπατον, πολλά ενεγκάστεν ο παιδάς εμού, αμόν τ' εσέβεν απέσ' , ουζανεύτεν απάν 'ς σην πεκιάν κ' αμάν επήραν ατόν τ' ομμάτα τ'.

Η μητρική γλώσσα των προγόνων μας από το Aράμ Βaρτάν

Αρναούτ'ς  ο = Αλβανός, αγροίκος, πεισματάρης
τουρκική λέξη Arnavut = Αλβανός, Αρβανίτης

φρ.Δουλείν μ' έχ'ς με τ' ατόν τον Αρναούτ', πολλά ινάτ΄ς, 'α εβγάλ' την ψή σ', για (ή)  θα χολοσπάν'σε τσε και θα ίνεται ξάν' τ' εεινού, ατός, ρίζα μ', γάιδαρον πα σπάν'!

Η μητρική γλώσσα των προγόνων μας από το Karacoban koy

τεμιζλούγ* = καθαρίζω

τουρκική λέξη temizlemek= καθαρίζω

φρ.Το μαντρίν και τ' αμπάρ' τ' οσπιτί' μουν,πάντα η γιάγια μ' ετεμιλάευεν ατά, 'ς σην καν' νάν 'κ' εκιουβανεύκουντον ατό την δουλείαν.

Η μητρική γλώσσα των προγόνων μας από το Χαραμί Βαρτάν

γιατάγ(χ)', το = κρεβάτι
τουρκική λέξη yatak =κρεβάτι

φρ. Η αφωρισμέτζα, έθηκεν το γεργαν'ς σο γιατάγ' απάν,ενέβζεν και την λάμπαν κ'  ας εξέβεν ας σ' οσπίτ', τη σκύλ η θεγατέρα, ενούντζα, χέρα γαρή η συννύφ'σσα μ' και βράδον πα, κοσκίνα πουλεί!

Η μητρική γλώσσα των προγόνων μας από το Karacoban koy

παστουρεύω  = πιέζω

τουρκική λέξη bastirmak = πιέζω

φρ.Σύρον πόλικον άλας 'ς σαψ χασμένα τα πιπέρα , παστούρεψον ατά απέσ' 'ς σ' έναν πουλούλ' κεπέκειμ θήκον απάν τεμίζ' λιθάρ',ς σε τρία-τέσσερα ημέρας 'α έχ'ς στύπαν.